ኤርትራ በጾረናው ውጊያ 18 ወታደሮቼ በኢትዮጵያ ወታደሮች ተገድለውብኛል አለች

Standard

20071003(የአሜሪካ ድምጽ ራድዮ እንደዘገበው) የኤርትራ ፕሬዝደንት ኢሳያስ አፈወርቂ ሰኔ 5 ቀን በጾረና ግንባር ከኢትዮጵያ ጋር በተካሄደው ከባድ ውጊያ በኤርትራ በኩል 18 ወታደሮች እንደሞቱ ገለጹ። ፕሬዝደንቱ ሰኞለት የኤርትራ ሰማእታት ቀን ሲከበር ባሰሙት ንግግር በኢትዮጵያ በኩል ተገደሉ ስለተባሉት ወታደሮች ቁጥር የተናገሩት ባይኖርም፤ ባለፈው ሳምንት የኤርትራ የማስታወቂያ ምንስቴር ባወጣው መግለጫ ከ200 በላይ የኢትዮጵያ ወታደሮች መገደላቸውንና ከ300 በላይ ደግሞ መቁሰላቸውን ይፋ አድርጎ ነበር።

“እሁድ የሰማእታትን የአደራ ሰንደቅ አላማ ከፍ አድርገው፤ የአስተማሪዎቻቸውን ፈለግ ለተከትሉ 18 ማስዋእትነት የከፈሉ ጀግኖቻን ኩራት ይሰማችሁ በክብርም ይታወሱ” ብለዋል ፕሬዝደንት ኢሳያስ አፈወርቂ።

የኤርትራ መንግስት የሰጠው አሃዝ በነጻ ምንጭ የተረጋገጠ አይደለም። የኢትዮጵያ መንግስት ባለስልጣናት “እኛ እያነባን ስላልሆነ” ቁጥሩን መግለጽ አያስፈልገንም ሲሉ፤ ከኤርትራ በኩል የተገለጸው ተዓማኒነት እንደሌለው ማስረዳታቸው ይታወሳል። በተባበሩት መንግስታት ድርጅት የኤርትራ አምባሳደር ግርማ አስመሮም በኤርትራ በኩል “ማስረጃ አለ” ሲሉ ገልጸዋል።

የኤርትራ መንግስት ባለፈው ሳምንት ማብቂያ ባወጣው መግለጫ ዩናይትድ ስቴይትስ ከኢትዮጵያ ጋር ወግና የድንበር ግጭቶችን “ትቆሰቁሳለች” ስትል ያወጣችው መግለጫ “እውነታ የለውም” ሲል የዩናይትድ ስቴይትስ የውጭ ጉዳይ መስሪያ ቤት አስታውቋል።

ዝርዝር መረጃዎችና ማረጋገጫዎችን ሳያቀርብ የኤርትራ የውጭ ጉዳይ ምንስቴር ያወጣው መግለጫ ባለፈው እሁድ በሁለቱ ሀገሮች መካከል በተካሄደው ውጊያና በሌሎች የድንበር ጉዳዮች ዩናይትድ ስቴይትስ “በጦር መሳሪያ አቅርቦት የተጠናከረ ጥቃት እንዲደርስ አግዛለች” ብሏል።

“ዩናይትድ ስቴይትስ በሁለቱም ሀገሮች መዲናዎች ባሉን ወኪሎችም ሆነ በኒውዮርክ በተባበሩት መንግስታት ድርጅት መልእክተኞቻችን ኢትዮጵያና ኤርትራ በትግስት ነገሮች እንዳይባባሱ እስንዲሰሩ ጥሪ አቅርባለች”
የዩናይትድ ስቴይትስ የውጭ ጉዳይ መስሪያ ቤት ቃል አቀባይ ጆን ከርቢ

የዩናይትድ ስቴይትስ የውጭ ጉዳይ መስሪያ ቤት ቃል አቀባይ ጆን ከርቢ “ዩናይትድ ስቴይትስ በሁለቱም ሀገሮች መዲናዎች ባሉን ወኪሎችም ሆነ በኒውዮርክ በተባበሩት መንግስታት ድርጅት መልእክተኞቻችን ኢትዮጵያና ኤርትራ በትግስት ነገሮች እንዳይባባሱ እስንዲሰሩ ጥሪ አቅርባለች” ብለዋል።

ለተሰደደው የሲኖዶስ አባላት | ከመኳንንት ታዬ

Standard

ephremይመስለኝ  የነበረው በክርስትናው አለም የመጀመሪያው ህግ እግዚያብሔርን ከመፍራት ጥበብ የሚነሳና በሌሎች ሰዋዊ ስነምግባር ታንፆ አንድ ሙሉ ሰው ሊያደርገው የሚችለውን ውህድ በማንነቱ ክህሎት ላይ ባለቤት ሊያደርጉት  የሚችሉትን  ባለመስመር ቀለሞች  ሰው ወደሚለው ምእራፍ  አልፈው ክርስቲያን  የሚያሰኘበውን መታወቂያ ያሰጡታል ብዬ አስባለሁ።በዚህ ሁሉ ውስጥ ሞራል  የሚባል ነገር  ደሞ  ትህትና ለሚሉት የባህሪያት ሁሉ የበላይ ለሆነው መልካምነት ውበት ሆኖ ይገለፃል የሚል እምነት  ነበረኝ ።ነበረኝ ለማለት ያነሳሳኝ  አሁን የለኝም ለማለት ሳይሆን ወደ ቤተክርስቲያን ጎራ ብዬ ለአበው ካህናት ከላይ  ያለኩትን አምነቴን  ማሻማት ስጀምር  ከመንገድ ሆኜ ሁሉ አንድ አደለም ቆብና ባለቤትነት  ይለያያሉ የሚለውን ካርድ ሳይ እምነቴን ቆም ብዬ  እንድፈትሽ አደረገኝ ።ለዚህም ነው ነበረኝ ለማለት የተገደድኩት ።

እስቲ ከላይ ለመንደርደሪያ ያህል ይህን ካልኩ ወደ ዝርዝር ጉዳዬ ልግባ ።ለመፃፍ ያነሳሰኝም አባይት ጉዳይ  ወደ አሜሪካው ገዳም  የተሰደዱ አባቶች መስመሩን በመርገጥ ለምን እንደሚፎርሹ  ሳስብ አለማው አልገባ ይለኝና  እቸገራለሁ።በደርግ መውደቂያ ማግስት ጎጠኛው የኢሃዲግ መንግስት ሐገሪቱን ከተቆጣጠረ በኋላ የቀድሞን ፓትሪያሪክ አቡነ መርቆሬዮስን ከስልጣን በማባረሩ ምክንያት እሳቸውም የስጋ ገዳም ወደሆነችው አሜሪካ እንደ እኛው ተሰደዱ።መልካም አባቶቻችን ግንባራቸውን ለጥይት ሰጥተው  ሃገራቸውን ከጠላት ተከላክለው ለትውልዱ   አስረከቡ እንጂ ሐገር ጥለው መሸሸጊያ ፍለጋ  አልፈረጠጡም ።በርግጥ ሁሉም እኩል የሆነ ፀጋ የለውም ።ስለዚህ አባታችን  የኔ አቅም እስከዚህ ነው ካሉ ምንም ማለት አልነበረም።ማለት የሆነው እዚህ አሜሪካ ከመጡ በኋላ ተከወኑ ድርጊቶች ናቸው ።ሲጀመር አስተዳደር  አይሰደድም።ሲኖዶስ ማለት የግለሰብ ሐብት ሳይሆን  የ ኢ/ተ/ቤ/  መንፈሳዊ አስተዳደራዊ ስርአት ነው ።

ይህ    በእንዲህ እንዳለ ሆኖ   በስራ አጋጣሚም ይሆን ሆን ተብሎ ታስቦበት ከሀገር የወጡ የአንድ ሰፈር ልጆች በመሰባሰብ የቅድስት  ቤ/ክ አቁማዳ ፈተው  ትልቁን  ስርአት የልጅ ጫወታ በማድረግ  ሲኖዶስ ተሰዷል አሉን ።በዚህ እግዞ እግዞ ብለን ቀን እየቆጠርን በሐገር ቤት ያለችው ቅድስት  ቤተክርስቲያን  በዘረኛውና በጎጠኛው ወያኔ ስርአት እየደማች መኖሯአና ልጆቿ መስዋትነት እየከፈሉ መኖራቸው ሳያንስ ሲኖዶስ እኛ ነን ካላልን አባ አባ አንባልም በሚል  ሰበብ ይሁን መንፈሳዊ አባት መሆናቸው የሚያንሳቸው ስለመሰላቸው የነ አብነ መልከፀዲቅ  ጎንደር መራሹ የመለኩሴ አባቶች ስብስብ  ሳያሰልስ  በጥፋት ላይ ጥፋት  እየደገመ ይኸው ዘመናትን ተሻገርን ።አላማው ማንን ለመጥቀምና  ማንን ለመጉዳት እንደሆነ በፍፁም አይታውቅም።

ephrem

የሐገር ቤቱን አስተዳደር የሚከሱት  በጎጠኝነት ሆኖ እያለ እነሱ ግን ስሙን ብቻ ሳይሆን ልብሱንም ጭምር ጎጥ አድርገውታል።ቤተክርስቲያን አንድት ናት ።አስተዳደርም አንድ ነው ።አባቶች ግን ብዙ ናቸው ።በአባቶች ቁጥር ልክ ግን ሲኖዶስ  መኖር አለበት የሚል ስርዓትም ህግም የለም ።ከዚህ በፊት የተለያዩ እህት አባያተ ክርስቲያናት   በአንድም በሌላም መልኩ ችግር አጋጥሞአቸው ያቃሉ።ተሰደውም ኖረዋል ።ግን ሲኖዶስ ተሰደደ አላሉም ።ይህ ሁሉ ሆኖ ሐገራችን ኢትዮጲያ ከ80 በላይ ብሔረሰቦችን የያየዘች ሀገር ከመሆኗም በላይ አሁን ባለው መንግስት ጉዳት የደረሰበት ሰው ጎነደር ብቻ አደለም ።የጥቃቱ ሰላባ የትግራይ ወንድሞቻችንም ጭምር እንጂ።ስለ ክርስትናው ካነሳን ግን መስመሩ ሁሉ የመከራ መሆኑ የማይካድ ነው ።”የሚወደኝ ቢኖር እራሱን ይካድ መስቀሌን ተሸክሞ ይከተለኝ ብሏል እና ጌታችን መድሃኒታችን እየሱስ ክርስቶስ  ማንም ቢሆን በማመኑ ለሚመጣበት መከራ መፍራት እንደሌለበት ኣስቀድሞ ተሰብኮልናል ።እንግዲህ በዚህ ሁሉ ወስጥ እጅግ ብዙ አብያተ ቤተክርስቲያናትና  ክርስቲያኖች በተለያየ ምክንያት በብዙ ችግር ውስጥ ተቀምጠው  የመሰባሰብና አንድ ሆኖ እነዚህን ችግሮች  ለመቀነስ ከመታግል ጀምሮ ስጋዊ ፍላጎትን ለማርካት ጎንደር ተሰብስብ እያሉ እርስ በእርስ መሿሿም ምን የሚሉት ነው ?።በውኑ የጎንደር መለኩሴ ክንፍ አለው ወይስ መንግስተ ሰማያትም  በጎነደሬነት ብቻ ነው የሚገባው?

አርግጥ እንደዛ ከሆነ ሌሎቻችን  አለቀልን።ምን አይነት ሞራል ነው ?ምን አይነት ክርስትና ነው ?ትምህረቱስ ከየት መጣ ? ይህን አለም አንፈልግም ብለው sign out  አደርገው ከወጡ በኋላ ለዚህ አለም ስልጣንና ምኞት መሽቀዳደም  እነማን ነበሩ ያሰኛል።ደግሞስ ከመንፈቅዱስ ያልሆነ ሹመት ሽልማት በውኑ መንገዱ አስከየት  ነው? ።የተሹሙት ሰዎች ብቃታቸው እና ትምህርታቸው የተለካው በፖለቲካ መስፈሪያ  ነው? ወይስ በመንፈሳዊ ትምርታቸው ?እነ አባ ወልደ ትንሣኤ  ማናቸው? እስቲ ከዚህ ሁሉ ጥያቄ በኋላ የሹመቱ ቃለ ማህላ ላይ ለምን ተዋህዶ የሚለው ቃል ተዘለለ? የ ኢ/ኦ/ተ/ የሚለው ቃል ስለከበደ ወይስ ስለተዘነጋ? ይህን በራሱ ለእነሱ እንተወውና  አስቲ የከዚ በፊት ሹመኞቹን አስበን  የዛሬዎችን እንመልከት ።

1. የአባ ወልደ ትንሣኤ አያልነህ       ትውልድ ሃገር   ጎንደሬ እና  በተለያየ ትምህርታቸው አፀፅ ያለባቸው

2.  አባ ጽጌ ድንግል ደገፋው          ትውልድ  ሃገር ጎንደር 

3. የአባ ገብረ ሥላሴ ጥበቡ             ትውልድ ሃገር  ጎንደር

4.  የመልአከ ሰላም አባ ሳሙኤል ዳኘው   ትውልድ ሃገር ጎንደር

5.  መልአከ ሰላም አባ ሳሙኤል         ትውልድ ሃገር ጎንደር

6.  የመልአከ ብርሃናት አባ ገብረ ሥላሴ የኋላሸት    ትወልድ ሃገር ጎንደር

የህይወት ታሪካቸው  ላይ ሁሉንም ጎንደር ለማለት ፈርተው ይመስላል  በቅድስት ሃገር ኢትዮጲያ ተወለዱ። ብቻ ብለው ዝቅ ብላችሁ     የአንደኛ ደረጃትምህርታቸውን  የተማሩበት ቦታ ላይ ጎንደር እንደሆነ ተጠቅሶአል።በርግጥ እንኳን እኛ  እናንተም በስራችሁ  እንዳፈራችሁ በትልቁ ማሳያ ነው ። ነግር ግን መፅሃፍ ቅዱሳችን   በትንቢተ ኢሳያስ ምራፍ 30 ቁ15-18  እንዲህ ይላል፦ 

“የእስራኤል ቅዱስ፥ ጌታ እግዚአብሔር እንዲህ ይላልና፦ በመመለስና በማረፍ ትድናላችሁ፤ በጸጥታና በመታመን ኃይል ይሆንላችኋል፤ እናንተም እንቢ አላችሁ፥

ነገር ግን፦ በፈረስ ላይ ተቀምጠን እንሸሻለን እንጂ እንዲህ አይሆንም አላችሁ፥ ስለዚህም ትሸሻላችሁ፤ ደግሞም፦ በፈጣን ፈረስ ላይ እንቀመጣለን አላችሁ፥ ስለዚህም የሚያሳድዱአችሁ ፈጣኖች ይሆናሉ።  

ከአንድ ሰው ዛቻ የተነሣ ሺህ ሰዎች ይሸሻሉ፤ እናንተም በተራራ ራስ ላይ እንዳለ ምሰሶ፥ በኮረብታም ላይ እንዳለ ምልክት ሆናችሁ እስክትቀሩ ድረስ፥ ከአምስት ሰዎች ዛቻ የተነሣ ትሸሻላችሁ። 

እግዚአብሔርም የፍርድ አምላክ ነውና ስለዚህ እግዚአብሔር ይራራላችሁ ዘንድ ይታገሣል፥ ይምራችሁም ዘንድ ከፍ ከፍ ይላል፤ እርሱን በመተማመን የሚጠባበቁ ሁሉ ብፁዓን ናቸው። ውድ አባቶቻችን  ታዲያ በውኑ እንተ ቃሉ ተስቶአችሁ ወየስ ተረስቶአችሁ  ለሹመት ለሽልማት መጓጓታችሁ?ውይስ እኔ ከሞትኩ ሰርዶ አይብቀል  እንዳለችው በቅሎ መሆኑ ነው ።በዚህ አጋጣሚ ይቀርታ የምላችሁ እናንተን አከብራለሁ ስለደፈርኩአችሁም አደለም ከላይ ያለውን ሃሳብ ለመስጠት የተነሳሁት ።አንድም ዘረኝነትና ጎጠኝነታችሁ ከወያኔ የባሰ በመሆኑ አንድም  ትህትና ያልተከለበት ክወረስናትና የቅድስት ቤተክርስቲያን አስተምሮ ስላልሆነ ነው ።በፖለተካና በፖለተከኞች አፍ ህጋዊ ናችሁ። መንግስቱ ሐይለማርያምም  ህጋዊው ፕሬዘዳንት ነው። ምክንያቱም  እሱም ተገዶ ነው ከስልጣኑ የወረደውና ። ግን እናንተ ጋ ሲሆን ህጋዊ ትባላችሁ እርሱ ጋር ሲሆን የቀድሞ ይባላል።ለምን  ጎንደሬ ስላልሆነ ወይስ  ሐራሬ ያለ ሰው ህጋዊ አይደለም  ?።ይህንና ይህን  የመሳሰለው  ጥፋታችሁ የቅድስት ቤተክርስቲያንን  አንገት ያስደፋ ቢሆንም  ህዝበ ክርስቲያኑ ግን ቆም ብሎ የሚያስብበት  እና “አውነት ምንድነው ?” ብሎ የሚጠይቅበት  ግዜ ነው ።እግዚያብሔር ይታገሳል እንጂ አይቆጣም  አልተባለም ።አቡነ ጳውሎስንና  መለስ ዜናዊን  ያያ  በኢሳት አይጫወትም።ክብርአችሁ አምነታችሁ ና ትህትናችሁ ሆኖ ለትውልድ  መተላለፍ ሲኖርበት ማን አለበኝነታችሁንና ትውሉዱን  አሰፍስፎ ለሚጠብቀው ተሃድሶ መናፍቃን ለማስበላት  የምታደርጉት  እሩጫ  በእግዚያብሔር  ዘንድ ሳያስጠይቃችሁ የሚቀር አይመስለኝ ም።

በስተመጨረሻም:

እግዚያብሔር  በነብዩ በ ኢሳያስ  አንደበት  እንዲህ  ብሎ ተናግሮአልና “ከቃሌ የተነሣ ወደ ሚፈራ የዋህ ትሑትና ትግስተኛ  ወደሚሆን  ነው  እንጂ ወደ ማን  እመለከታለሁ?” ዳግመኛም ወንጌል  እንዲህ  ይላል “የዋሆች  ብፁዓን  ናቸው  እነርሱም ምድርን ይወርሳሉና “ዲድስቅልያ  አንቀፅ ፮ አና፯። በዚህ  ሁሉ ምሃል ለስልጣን የሚጓጉና  ጎጠኞች አላለምና አስቡበት ።

ችር እንሰንብት

የወያኔ ሰልፍ በፍራንክፈርት እና ግንቦት 7 ! (በልጅግ ዓሊ)

Standard

TPLF-Frankfurtሰኔ 12 ቀን 2016 ዓ.ም በፍራንክፈርት የዶክተር ብርሃኑ ነጋን መምጣት አስመልክቶ በተጠራ ስብሰባ ላይ ለመካፈል ወደ ቦታው አምርቼ ነበር። የስብሰባው ቦታ ከወትሮ በተለየ በፖሊስ ተከቦ ከሩቅ ተመለከትኩና ምን እንደተፈጠረ ለማወቅ ወደ ቦታው ጠጋ አልኩ። ጥቂት ግለሰቦችም ከወዲህ ወዲያ ይራወጣሉ፣ ግርግር ይስተዋላል። ይበልጥ እየተጠጋሁ ሲሄድ አንዳንድ የማውቃቸውን የወያኔ ደጋፊዎችን ለመለየት ቻልኩ። እውነቱን ለመናገር በመጀመሪያ የወያኔ አባላት የዶክተር ብርሃኑ ስብሰባ ለመቃወም ያዘጋጁት ስልፍ ነው ብዬ ለማመን አልቻልኩም ነበር። እንዲያውም ስብሰባውን አትካፈሉም ተብለው የተከለከሉ ሰዎች ተቃውሞ መስሎኝ ነበር።TPLF protest in Frankfurt
ፍራንክፈርት ኢትዮጵያዊነት ጎልቶ ሲቀነቀንባት የነበረች ከተማ፣ አያሌ ታላላቅ የተቃዋሚዎች ስብሰባ የተካሄደባት ከተማ ፣ የወያኔ አባላት አንገታቸውን ደፍተው የኖሩባት ከተማ፣ ዛሬ ወያኔ የልብ ልብ አግኝቶ፣ አፉን ከፍቶ፣ ለይቶለት አደባባይ ወጥቶ የተቃውሞ ስልፍ ያካሂድባታል ተብሎ ፈጽሞ አይታሰብም ነበር። አንድ ቀን ልንደፈር እንችላለን ብሎ የጠረጠረ ተቃዋሚ ከቶ ኖሮስ ያውቅ ይሆን? ወያኔ ሰርጓጅ ጦሩን ወደ ጀርመን አስርጎ ቅኝ ግዛቱን ያስፋፋል ብሎስ ማን አሰቦ ያውቅ ይሆን? እነዚህ የጎጠኞች ማዕድ ፍርፋሪ የሚለቅሙ፣ ሳይጠሩ አስቀድመው በወያኔ ደጀሰላም በራፍ ላይ ለዳረጎት የሚኮለኮሉ፣ በሚገባቸው አባባል፣ የልማት አጋር ኢንቨስተሮች፣ እንዲህ በድፍረት ለተቃውሞ ይወጣሉ ብሎ ማንስ አስቦ ያውቅ ይሆን? https://www.youtube.com/watch?v=ywugKQfWVn4
(ይህ ቪዲዮ ወያኔ ከለጠፈው የተገኘ ነው ። ለፕሮፖጋንዳ ሲባል ብዙ ተቆርጧል።)
ያም ሆነ ይህ ያልነበረው ታዬ! ያልተደፈረው ተደፈረ፣ ያልተደረገው ተደረገ፣ … ከውስጥም ከውጭም ሁሉም ይጮሃል። የትላንቱ አባራሪ ዛሬ በተባራሪነት ይጫወታል። ትላንት ወያኔ ሌባ! … ወያኔ ዘረኛ! .. ወያኔ አምባገነን የነበር መፈክር፣ ዛሬ ቅኝቱ ተለውጦ “ግንቦት7 ሌባ! …ግንቦት7 አሸባሪ! ብረሃኑ ሌባ! ተራራውን ያንቀጠቀጠው ትውልድ ያሸንፋል፣ ደርጋዊነት ይወድማል ወ.ዘ.ተ“ በሚል ተቀይሯል። በዚህ ተለዋዋጭ ዓለም የማይቻለው ፣የማይታሰበው መፈጸም ከጀመረ ሰንብቷል።
ለእኔ የሰለፈኞቹን ማንና ምንነት ለመለየት ብዙም አላዳገተኝም። ገና ወያኔ የትግራይ ክልል ሰንደቅ ዓላማ የሚለውን አንድ ባልቴት ተሸክማው ሳይ ነው እነማን መሆናቸውን ያወቅሁት። መቼም በጥቅምና በዘረኝነት ያበደ ካልሆነ ይህንን የዘረኝነት ምልክት በአደባባይ ይዞ የሚወጣ አይኖርም። በዚህ በወያኔ ግርግር ላይ አለፍ’ አለፍ እያለ “የኢትዮጵያ”(ባለ ሃምባሻው)፣ እንዲሁም የጀርመን ሰንደቅ ዓላማዎች ነበሩ።
ወደ ቦታው ጠጋ አልኩ። ከመሃል አንዱ እዚሁ ፍራንክፈርት አካባቢ የሚኖር ወያኔ ስለለየኝ፣ ወዲያውም “አምሃራይ” ብሎ ጮኸ። የከበቡት ሁሉ እሱን ተከትለው “ አምሃራይ ሌባ ፣ ግንቦት 7 ሌባ ! ደርግ ሌባ ! ብርሃኑ ሌባ !“ እያሉ አዋከቡኝ። እንደ ልማዳቸው ብዙ ፎቶም አነሱኝ። በመካከላችን የጀርመን ፖሊሶች ጣልቃ ገቡ። ቆሜ በደንብ ለመስማት ፍላጎት ቢኖረኝም ፖሊሶቹ አዋክበው ወደ ስብሰባው አዳራሽ አስገቡኝ። እንኳን ፌደራል አልሆነ ፣ እንኳን አጋዕዚ አልሆነ . . .!… እንኳንም ቃሊቲ አልኖረ ፣ እንኳንም በነፃው ዓለም በጀርመን ሃገር ሆነ! . . . ባይሆን ኖሮ እንደ ቀይ ሽብሩ ዘመን “ አምሃራይ “ ብሎ ያጋለጠኝ ሶለግ …..! ሳይቦጫጭቀኝ መች ይቀር ነበር። ያችስ ብትሆን. . . ድምጽዋ እስከሚዘጋ በሰሜን ቅላጼ ጀርመንኛ የምትሞክረው ባልቴት እኔን ለመንከስ አለያም አስቀፍድዳ ለማስገረፍ ወደ ኋላ መች ትል ነበር። ይሁን እስኪ “ማምሻም እድሜ ነው” . . . እዚሁ አብረን ስለምንኖር እንተዋወቃለን።
ለነገሩ የተጮኸብኝ ስለማይመለከተኝ አልገረመኝም። የግንቦት 7 አባል አይደለሁምና፣ ደርግም አይደለሁም፣ ብርሃኑም አይደለሁም። ወያኔዎቹ ግን ጥላቻቸው ከሁላችንም ጋር እንደሆነ አውቃለሁ። ወያኔ የወንጀለኞች ቁንጮ፣ የዘረኝነት ሁሉ የበላይ፣ የሕዝብ ጠላት መሆኑን አውቃለሁ። በሃገሬ ያጣሁትን ነጻነት በጀርመን ሃገር ሊያሳጡኝ መሞከራቸውም ከቶ አልገረመኝም ። ቢቻላቸው ከዛም በላይ ይሞክራሉ። ከእነዚህ ዓይን ከማይሞሉ ህዳጣን፣ የያዙትን መፈክር እንኳ አስተካክለው ማንበብ ከማይችሉ ማይማን ሌላ አይጠበቅም። ከእነዚህ በዘር ልጓም ተሸብበው ዞሮ ማያ አንገት የሌላቸው ሆዳሞች፣ ሌላ ምን ሊጠበቅ ይችላል? አብረን እዚሁ ፍራንክፈርት ከሁለት አስርተ ዓመታት በላይ የኖርን ሰለሆንን እንተዋወቃለን። እንኳን የጀርመንን ሕግ፣ ዴሞክራሲና ሥነ ስርዓት ሊረዱ ይቅረና ስማቸውን አስተካክለው እንደማይጽፉ አውቀዋለሁ። በተለይ ደግሞ “አምሃራይ” ብሎ ሌሎቹ እንዲጮኹብኝ የቀሰቀሰውን አስለኳሽ ጋሻ ጃግሬ አብረን የኖርን ስለሆንን ድፍን ቅልነቱን እረዳዋለሁ። እርሱ ይረሳው እንደሆን እንጂ ከ20ዓመታት በፊት ይህ ማይም ከሻብዕያ አባላት ጋር ሆኖ ያደርግ የነበረው የምዘነጋው አይደለም።
ወያኔዎቹ እንዳለሙት፣ የወያኔ ቆንስላ እንደተለመው፣ ብዙዎቻችንን በምንም ሊያስፈራሩን አይችሉም። ማስፈራራት የሚችሉት መሬትና ኮንደሚኒየም ይሰጠናል ብለው ማንነታቸውን ሸጠው እጅ የሚነሱላቸውን ባንዳዎችን ብቻ ነው። እነርሱ ደግሞ ስብሰባ አይመጡም። ማስፈራራት የሚችሉት በሁለት እጃቸው የሚጨብጧቸውን የዘመኑ ሆዳም “ኢንቨስተሮችን“ ብቻ ነው። ልማታዊ ካድሬዎቻቸውን። ሌሎቻችንማ ደረታችንን ገልብጠን፣ ኢትዮጵያዊነት ያሸንፋል! እያልን ፣ ዘረኝነት ይወድማል! እያልን ፣ ኢትዮጵያ ለዘላለም ትኑር! እያልን ወደ ስብሰባው አዳራሽ ገብተናል።
አዳራሹ ውስጥ ስገባ የግንቦት ሰባት አባላትና ደጋፊዎች መሪያቸውን ዶክተር ብርሃኑን ከበው መፈክር ያሰማሉ። ተናጋሪው “ ዛሬ ትግላችን ከተከላካይነት ወደ አጥቂነት ተሸጋገረ” ብሎ በድምጽ ማጉያው ይናገራል። ውስጥ ያለው ሁኔታ በብዛትም በጩኸትም ከውጭው በጣም ይበልጣል ። ለጥቂት ደቂቃዎች የውስጡን ከውጩ እያወዳደርኩ ተቀመጥኩ። የሃገሬ የወደፊት ዕጣ ምን ሊሆን እንደሚችል በማጤን ለትንሽ ጊዜ ቆዘምኩ። በአዕምሮዬ አንድ ሃሳብ ፣ አንድ ጥያቄ እየተመላለሰ አወከኝ።
እውነት ዛሬ ወያኔ በፍራንክፈርት ተቃውሞ የወጣው ስለደከመ ነው? ወይስ ስለጠነከረ ?
ይህ ሊመለስ የሚገባው ጥያቄ ነው ። በእውነቱ ከሆነ ወያኔ በአሁኑ ወቅት በብዙ ቅራኔ የተወጠረበት ወቅት ነው ። ደክሟል ! በውስጥ ክፍፍል ተጎድቷል፣ በስልጣን ሽኩቻ ጉልበቱ ዝሏል ፣ ጉድጓዱ የተማሰ ነው፤ ፍራሃትም አለበት ። ትንንሹንም ችግር ቢሆን እንደ ቀልድ አይመለከተውም ። እርምጃ መውስድ ይሞክራል ። ዶክተር ብርሃኑ ስብሰባው ላይ እንደተነተነው የተቃውሞ ግርግሩን ከዚህ አንጻር ሊታይ ይቻል ይሆናል። የግንቦት ሰባት ከኤርትራው መሪ ኢሳያስ ጋር መግጠም ሊያስፈራው ይችላል። ነገር ግን ግንቦት ሰባት ከኢሳያስ ጋር መግጠሙ ዛሬ የመጀመሪያው ቀን አይደለም። ወያኔ ከደከመ ሰነባብቷል። ለምን ታዲያ ወያኔዎች ዛሬ ሰልፍ ለመውጣት ደፈሩ? ብለን መጠየቅ ደግሞ ብልህነት ነው።
እንደኔ ከሆነ ፍርሃት ብቻ አይመስለኝም ። ወያኔ ፍራንክፈርት አካባቢ ብዙ ሥራ ሰራሁበት፣ ብዙ አባላት 5 ለ 1 ጠረነፍኩበት የሚለው ክልሉ ነው። እዚሁ ፍራንክፈርት ውስጥ ባለፉት ሁለት አስር ዓመትት ወያኔ መሬትና ኮንደሚኒየም ለመደለያ በመስጠት አያሌ ዜጎቻችንን ከፋፍሏል። ቀንደኛ የወያኔ ተቃዋሚ ነን ይሉ የነበሩ ግለሰቦቸች ሳይቀሩ የወያኔ ደጅ ጠኝ ሆነዋል። ብዙ ጠንካራ ዜጎቻችንን በተቃዋሚዎች መካከል ያለውን ክፍፍል ስላስጠላቸው ከትግሉ ገለል ብለዋል፣ ወያኔ በትምህርት ስም ብዙ ወጣት ደጋፊዎቹን አምጥቷል፣ በስደተኛ ስም ብዙ አባሎቹን አስርጓል ። በዚህ ክልሌ ነው በሚለው ፍራንክፈርት የልብ ልብ የበላይነት ይሰማዋል ። ቀደም ሲል ጠንካራ የነበሩት ተቃዋሚዎች እነ መድህን ፣ እነ መኢአድ ፣ እነ ኢሕአፓ ዛሬ የሉም፣ በእነርሱ ቦታ በኮንደሚንየም ፣ በመሬት ጥቅም ምክንያት 5 ለ 1 የተጠረነፉ ሆዳሞች ቦታውን ሞልተውታል ። ለእኔ ወያኔን የልብ ልብ የሰጠው ይህ የሆዳምነት፣ የመከፋፈል፣ ከትግል የመሸሽ አዝማሚያ ብዙዎቻችንን በመልከፉ ሳቢያ ይመስለኛል ።
በሌላ በኩል ደግሞ በተቃዋሚዎች መካካል ወደሚያስማማን ሳይሆን ወደሚያለያየን የሚደረገው ጉዞ እንደቀጠለ መሆኑ ለወያኔዎች የልብ ልብ ሰጥቶታል። በተለይ የኤርትራ ጉዳይ በተመለከተ በሕዝብ መሃል የተፈጠረውን የአቋም ክፍፍል ወያኔ በውል ያጤነው ጉዳይ ነው። የኤርትራ መንግስት በነ ተስፋዬ ገብረ እባብ የተነደፈለትን ኢትዮጵያን የመከፋፈል ፖሊስ ቀረጾ ፕሮፖጋንዳውን ማጧጧፉ ለማንም ድብቅ አይደለም። ይህንን ወያኔም ይገነዘበዋል። ወያኔ እኔ ከሌለሁ አማራጫችሁ ተስፋዬ ገብረ እባብ፣ ጃዋር እና መሰሎቹ ናቸው ብሎ መቀስቀስ ከጀመረ ሰነበተ። ሁኔታውን ሲያጤኑት ደግሞ ጉዞው ወደ መሳፍንት ዘመን ይመስላል። እንደተለመደው ወያኔም ይህችንን የአቋም ክፍተት መጠቀም መፈለጉ ግልጽ ነው። በዘር እንደነገደ፣ በዓባይ ግድብ እንደነገደ፣ ዛሬም በኤርትራ፣ ዛሬ ጽንፈኛ ሆኖ በጽንፈኞች፣ ዘረኛ ሆኖ እሱን እንስከጠቀመ ድረስ ዘረኞች አውግዞ ሊነግድ ይሞክራል።
በሰልፉ ላይ ደርግና ደርጋዊነት ሲኮነኑ ነበር። በተለይም ደግሞ የደርግ ባለስልጣናት የነበሩ በተቃውሞው የትግል መድረክ ላይ ወጣ ወጣ እያሉ በመምጣታቸው ወያኔ ይህን እንደ በጎ አጋጣሚ ሊጠቀምበት መፈለጉ ከወያኔ ሰልፍ መፈክር መረዳት ይቻላል። የደርግን ፋሽሽትነትን ለማመልከት የገባችው መፈክር የማንን ልብ ለማማለል እነደሆነ አስቀድማ ትሸተናለች። በእውነት ቢሆንማ ኖሮ ከወያኔ ከራሱ ጋር ዛሬም ድረስ የሚሰሩ ብዙ የደርግ ባለስልጣናት ባልኖሩ ነበር ።
በፍራንክፈርቱ የወያኔ ሰልፍ የተገነዘብኩት ሌላው ጉዳይ ደግሞ፣ እየተስለመለመ ባለው የኢትዮጵያ ፖለቲካ ውስጥ የደም ደብዳቤ በማረቀቅ ላይ የሚገኘው ወያኔ፣ በቀቢፀ ተስፋ የጎሳ እንጉርጉሮ እያዜሙ የሚጓዙ አጋር ድርጅቶቹና ወዶገብ አባላቱ የኢትዮጵያዊነትን ህዋስ ከውስጣችን አሟጦ ለማስወጣት እየተሄደበት ያለው እርቀት ምን ያህል እንደሆነ ከወያኔ የተቃውሞ ሰልፍ መገመት አያዳግትም። በሰልፉ ላይ አብዛኛዎቹ የትግራይ ሰዎች እንደነበሩ ቢታወቅም፣ በዶክተር ብርሃኑ ስብሰባ ውስጥም የትግራይ ልጆችንም በብዛት እንደነበሩ እዚህ ፍራንክፈርት ለኖርነው ግልጽ ነው። ይህ የፍራንክፈርቱን የተቃውሞ ሰልፍ ከአንድ ዘር አቅጣጫ ለማያያዝ የሚከብደውም ለዚሁ ነው። ይህንን የወያኔን ሰልፍ ከወያኔ አቅጣጫ ብቻ ነው ማያያዝ ያለብን የሚል እምነት አለኝ።
የፍራንክፈርት ነዋሪ የሆንን ሁሉ በውል ልናጤነው የሚገባ አንድ ነገር አለ። አሱም እነዚህ ዛሬ የወያኔ ደጋፊ ሆነው ስብሰባ ለማደናቀፍ የሞከሩ፣ በስብሰባው ላይ የተገኘነውን ፎቶ አንስተው ለወያኔ ለማስተላለፍ የሞከሩትን ዝም ብለን ማለፍ የለብንም። በተቻለን መጠን ለጀርመን መንግስት በወያኔ ስለሚደርስብን ማስፈራራት (erpressung) ማሳወቅ ይኖርብናል። በሃገር ውስጥ በዜጎች ላይ የሚደርሰውን መከራና ስቃይ አልበቃ ብሎ ዛሬ እዚህ እኛን በጀርመን ሃገር ለማሰቃየት መሞከራቸውን ዝም ብለን ማለፍ የለብንም። ፍራንክፈርት ወያኔ ቆንስላ ዛሬ የዲፐሎማቲክ ስራውን ትቶ የስለላና የማስፈራራት ተግባር መጀመሩ የሚያስፈራ ወንጀል ነው። ሊጠየቅ ይገባል። በስደተኛነት ስም ተቀምጠው የስለላ ስራ የሚሰሩትንም ዝም ብለን ማየት ከቶ የለብንም። የጀርመን መንግስት ለእኛ ለስደተኞች በሃገሩ በነጻነት እንድንኖር እንዲያደርግ ጥያቄችንን ማቅረብ አለብን።
በሌላ በኩል የግንቦት 7 መሪዎችም ከዚህ ስልፍ መማር የሚችሉት ወያኔን ለመጣል የኤርትራ ድጋፍ ማግኘቱ ብቻ በቂ አለመሆኑን ነው። በውጭ አፋቸውን ለማዘጋት እቤታቸው ድረስ እየመጣ ያለውን ተቃውሞ ለመቋቋም መዘጋጀት አስፈላጊ መሆኑን መረዳት ያሻል። ያን ለማድረግ ደግሞ የሕዝብን ልብ ማማለል መቻል ይጠይቃል። ደጋፊዎቻቸውን ብቻ ሳይሆን ከተቃዋሚዎቻቸውም የሚያነሱትን ጥያቄ ለምን እንደሆነና መፍትሄው ምን እንደሆነ በግልጽ ወጥተው መናገር አለባቸው። ለጊዜያዊ ፖለቲካ ጥቅም ሲባል ከነተስፋዬ ገብረ-እባብና ከእነ ጀዋር መሀመድ ጎን መሰለፍ፣ ድጋፍ ሊያሳጣ እንደሚችልም ከወዲሁ መገንዘብ ትልቅ ሒሳብ ስሌት አይደለም። አሁንም በግንቦት ሰባት ሊመለሱ የሚችሉ ጥያቄዎች እንዳሉ በስብሰባው ውስጥ በጥያቄና መልሱ ወቅት በጉልህ የታየ ጉዳይ ነው ። የሰጎን ፖለቲካ የሚያዋጣ አይሆንም ። አንገትን አሸዋ ውስጥ ደብቆ አካላት እንዳሪ ሆኖ መደበቅ አይቻልም። እነ ተስፋዬ ገብረ-እባብ የሚቀሰቅሱትን አማራን ለማጥፋት የሚደረግ መጠነ ሰፊ የተቀነባበረ ዘመቻ የኤርትራ መንግስት የለበትም የሚለው ማሳመኛ ነጥብ ውሃ አይቋጥርም።
የፍራንክፈርቱ የወያኔ ሰልፍ ሁለት ገፅታዎች አሉት። አንዱ ግንቦት ሰባት እና ኢሳት እንደሚነግሩን የትግላችን ጥንካሬን ምን ያህል ወደፊት እየተወነጨፈ እንዳለ ሲሆን፣ ሌላው ደግሞ አጉልቶ የሚያሳየን የድክመታችንን ፣ የሸንፈታችንን፣ የክፍፍላችንን ጥልቀት ጭምር ስለሆነ በዚህ ላይ የቤት ሥራው እየከበደ ነው ማለት ነው። ለእኔ ዛሬ የወያኔ ትግል ከተከላካይነት ወደ አጥቂነት የተሸጋገረበት ነው። ይህ ደግሞ በቀላል ለማስቆም የሚቻል ነው። በሁሉም አቅጣጫ በቅንጅት ከፍተኛ ሥራ ካልተሰራ ወያኔ አሁንም ዳግም ፈልፍሎ ቀዳዳ ማግኘቱ የማይቀር ነው። ቀባሪ የሌለው ሞት እንዳንሞት ማስተዋል ያስፈልጋል።
ድል ለኢትዮጵያ ሕዝብ!

ስድስት የፖሊስ ሰራዊት አባላት ተገደሉ!

Standard

በልኡል አለም
በብሔራዊ መረጃ ትእዛዝ አደገኛ የግድያና የምርመራ ዘዴዎችን በመጠቀም ንጹሐን ኢትዮጵያዊያንን ሲያሰቃዩና እርምጃ ሲወስዱ የነበሩ ስድስት የብሔራዊ መረጃና ተደራቢ የፖሊስ ሰራዊት አባላት ሚስጥር እንዳያወጡ በሚል መነሻ ምክንያት በብሔራዊ መረጃዉ የዉስጥ ደንብና ክትትል የደህንነት ክፍል ትእዛዝ በተለያየ ውቅትና ግዜያት በተለያየ መንገድ መገደላቸዉን የዉስጥ ምንጮች አሳወቁ።
1. ሙሉቀን ይርጋ
2. ሰለሞን ከድር
3. ሰብስቤ ዘረሰናይ
4. የ10 አለቃ ስለሺ በርሄ
5. የ10 አለቃ ደርቤ ጉታ
እንዲሁም አንድ ለግዜዉ ማንነቱ ያልታወቀ የመረጃዉ ክፍል ግለሰብን ጨምሮ አፋኞች፣ገራፊዎችና ገዳዮች ከነተሸከሙት የግፍ ሚስጥር መወገዳቸዉን ለማረጋገጥ ተችሏል።
ህወሃት በኢትይጵያ ህዝብ ላይ የሰራዉ የግፍ ጽዋ ሞልቶ መፍሰስ በመጀመሩ እርስ በእርስ መበላላቱ ወደ አደገኛ ቀዉሳ እያመራ ለመሆኑ ሁኔታዎች ከማመላከታቸዉ በተጬማሪ ከላይ በስም ከተዘረዘሩት መካከል ሰብስቤ ዘረ ሰናይና ሙሉቀን ይርጋ በአደገኛ መርዝ መመረዛቸዉና ከብዙ ህመም በሗላ ህይወታቸዉ ማለፉን መረጃዎች አሳዉቀዋል፡፡
ድል ለኢትዮጵያ ህዝብ ! !

ሰበር ዜና። ከአዲስ አበባ ወደ ድሬዳዋ የሚወስደው መንገድ ተዘጋ። በጨለንቆ በትላንትናው ዕለት በተገደለችው የ10ኛ ክፍል ተማሪ ምክንያት በተቆጡ የአካባቢው ነዋሪዎች በተቀሰቀሰ ቁጣ ነው መንገዱ የተዘጋው።

Standard

safe_image ከአዲስ አበባ ወደ ድሬዳዋ የሚወስደው መንገድ ተዘጋ። በጨለንቆ በትላንትናው ዕለት በተገደለችው የ10ኛ ክፍል ተማሪ ምክንያት በተቆጡ የአካባቢው ነዋሪዎች በተቀሰቀሰ ቁጣ ነው መንገዱ የተዘጋው። ከዚህም ባቻገር አንድ የሰላም ባስ ንበረት የሆነ አውቶብስ ላይም ጥቃት መድረሱ ተነግሯል። ከቦታው የሚደርሱንን ተጨማሪ ዜናዎች እየተከታተልን እንዘግባለን

 

በዶፒንግ የሚጠረጠረው የገንዘቤ ዲባባ አሰልጣኝ የነበረው ሶማሌ እንግሊዛዊው ጃማ ኤደን ስፔን ውስጥ ተያዘ!

Standard

13450950_1212231018817137_5405419052249423752_nገንዘቤ ዲባባ ላለፉት ሶስት አመታት ከአሰልጣኙ ጋር ስትሰራ ቆይታለች። በቅርቡ በኢዩጂን፡ በኦስሎና ስቶክሆልም የነበራትን ሩጫ ሳትወዳደር መቅረትዋ ይታወቃል።

“ኦፕራሲዮን ደ ሎ ሞሰስ” የስፔን ፖሊስ ከሀገሪቱ አንቲ ዶፒንግ ኤጀንሲ ጋር በመተባበር ያደረገው ፍተሻ እና አሰልጣኝ ጃማ አደንን በተጠርጣሪነት የያዘ ምርመራ ነው፡፡

ፍተሻው ሰኞ ጠዋት ከባርሴሎና 20 ኪሎ ሜትር ራቅ ብላ በምትገኘው ሳባዴል የተከወነ ነው፡፡ ከጃማ ጋር የስነ ልቡና ባለ ሙያም ተጠርጥሮ በቁጥጥር ስር ውሏል፡፡

ከሁለቱ በአንዱ ክፍል ውስጥ EPO ተገኝቷል ተብሏል፡፡
የኢትዮጵያን አትሌቶችን በተመለከተ መረጃ የሚሰጡ ጋዜጠኞች እዚህ ላይ በጣም ጠንቃቆች ቢሆኑ ደስ ይለኛል፡፡

የአትሌቷን ስም ከሰውዬው ጋር (እሱም ገና ጥፋተኛ አልተባለም) እያነሱ በቀልድ መልክም ቢሆን “ጥፋተኛ” ለማደርግ መሞከር ታላቅ ስህተት ነው፡፡ አትሌቷን እጅጉን ይጎዳል፡፡ የሪዮ ዝግጅቷን ያስተጓጉላል፡፡

ጃማን የኢትዮጵያዊቷ አሰልጣኝ ብቻ አድርጎ ቆጥሮ እንደ ውጪ ሀገር ሚዲያዎች ጣቶች ሁሉ ወደ እሷ እንዲቀሰሩ ለማድረግ መጣር ልጅቷ ላይ ያነጣጠረ ጥላቻ እና ወንጀል እንጂ ምንም ነገር አይደለም፡፡